Conecta con nosotras

Cultura

Más cultura asturiana na RTPA

Más de 100 personalidaes firmen un manifiestu reclamando más conteníos culturales y musicales asturianos na programación de radio y televisión públiques.

Semeya: TPA

Col títulu de ‘Por una RTPA al serviciu de la cultura asturiana’ 118 persones del campu cultural y musical roblen un escritu nel que reclamen “apostar por dignificar la presencia de conteníos culturales y musicales del país (mui especialmente n’asturianu y gallego-asturianu) na programación, con un tratamientu dignu, global y permanente nella”. La fundación nel añu 2005 de Radiotelevisión del Principáu d’Asturies (RTPA) enllenó d’esperances a los y les trabayadores/ dinamizadores/creadores culturales y musicales asturianos/es. Rixida nos primeros años pola Llei 2/2003, nel so preambulu falaba de potenciar las peculiaridades y el afianzamiento de la identidad asturiana, a través de la difusión, conocimiento y desarrollo de los valores históricos y culturales en toda su variedad y riqueza recuerden los firmantes del manifiestu. “La puesta en marcha efectiva del serviciu de televisión (TPA) fixo qu’aquelles esperances primerices s’esvanecieren en viendo’l modelu pel qu’empobinó la so programación; el fracasu social y económicu al que llevó obligó a un cambiu de rumbu radical que se caltuvo nel tiempu, con una visión de lo asturiano mui restrictiva y simplista” señalen. Tamién consideren que “los primeros pasos del serviciu radiofónicu (RPA) paecíen ufiertar bonos augurios, asina la so parrilla enllenóse de programes y espacios en llingua asturiana colos más variaos conteníos y atentos al fechu cultural y musical del país, pero namás foi un espeyismu nel tiempu y darréu foron desapaeciendo dafechu de les so emisiones”.

“La puesta en marcha de TPA fixo qu’aquelles esperances primerices s’esvanecieren en viendo’l modelu pel qu’empobinó la so programación”

Escritores como Xandru Fernández, Adolfo Camilo Díaz, Nicolás Bardio, José Ángel Gayol, o Paquita Suárez Coalla; músicos como Nacho Vegas, Hevia, Víctor Manuel, Rodrigo Cuevas, José Manuel Tejedor, Mapi Quintana, Xuacu Amieva o Silvia Quesada; miembros de grupos como Llan de Cubel, Felpeyu, Corquiéu, Dixebra, Los Berrones, Desakato, Skama la Rede o Misiva; actores como Antón Caamaño, María Cotiello, Carlos Alba o Antón González; editores como Silvia Cosío (Suburbia) o Esther Prieto (Trabe); dibuxantes como Miguel Solís Santos o Alberto Vázquez; o promotores como Guillermo Pérez (Fabriok), Marcos Valle (Actos Management) o Abel Pérez (Mialma Producióis) son algunos de los firmantes. Critiquen que “nun existe a día de güei nengún espaciu dedicáu específicamente a la lliteratura o la música nes llingües propies del país” y piden una RTPA que sea “la ferramienta que posibilite la popularización de les creaciones de los nuestros y nuestres artistes, motor del afitamientu de la industria cultural y de los/es sos trabayadores”.

El conxuntu de los y les firmantes representa un colectivu mui significativu y importante de la cultura asturiana, nel que figuren nomes consagraos d’ella xunto a figures emerxentes. Con esta acción unitaria quieren llamar l’atención sobre’l papel clave que l’ente públicu de comunicación asturianu tien que xugar nesti momentu d’incertidume d’un sector yá de por sí mui sensible: “siguimos apostando por unos medios de comunicación públicos, como históricamente fiximos, pero tamos convencíos/es de que namás van tener incidencia y futuru si se ponen al serviciu de la sociedá y la cultura asturianes”.

Firmen el manifiestu ‘Por una RTPA al serviciu de la cultura asturiana’

Xandru Martino (escritor) – Pablo Rodríguez Medina (escritor) – Bárbara González-Quevedo (música, Alienda) – Rodrigo
Cuevas (músicu) – Carme Pedrayes Toyos (música, Alienda) – David Castañón (escritor y gastrónomu) – Daniel García de la
Cuesta (músicu) – Xandru Fernández (escritor) – Lisardo Lombardía (director del Festival Intercélticu de Lorient) – Antón
Caamaño (actor, director teatral, Nun Tris) – Santi Caleya (músicu, La Bonturné) – José Ángel Gayol (escritor) – José Ángel
Hevia (músicu) – Llucía Palomares (música, Corquiéu) – Pedro Pangua (músicu) – Víctor Manuel San José (músicu) – Xuacu
Amieva (músicu) – Adolfo Camilo Díaz (escritor) – Xosé Ambás (músicu) – Óscar González Nuño (músicu, Misiva) – Santiago
Coto Díaz (músicu, Alienda) – María Cotiello (actriz) – Silvia Cosío (editora, Suburbia) – Pablo Martínez (músicu, Desakato)
– Pablo Texón (escritor) – Antón Barquero (músicu, Los Gascones) – Xosé Antón González Riaño (profesor universitariu y
presidente de l’Academia de la Llingua Asturiana) – Carlos Alba (actor, Cellero) – Ramón Blanco (músicu, Los Berrones) – David
González Nuño (músicu, Misiva) – Nacho Vegas (músicu) – Francisco Álvarez (escritor) – Antón González (actor, Telón de
Fondu) – Nicolás Bardio (escritor) – Llorián García (músicu, Dixebra) – Fonsu Mielgo (músicu, Llan de Cubel) – Ruma Barbero
(músicu, Felpeyu) – Bertu Ordiales (escritor) – Alfredo González (músicu) – Ignaciu Llope (escritor) – Xune Elipe (músicu,
Dixebra, y director del Anuariu de la Música Asturiana) – José Manuel Tejedor (músicu) – Iñaki Santianes (músicu, delegáu
n’Asturies del Festival Intercélticu de Lorient) – Susana Sela (escritora) – Héctor Braga (músicu) – David Varela (músicu, La
Bonturné) – Rubén Álvarez (músicu, Dixebra) – Marta Mori (escritora) – Delfín Valdés (músicu, La Tarrancha) – Andrea Joglar
(música, Cerezal) – Xandru Armesto (escritor) – Humberto Sierra (músicu, Misiva) – Rigu Suárez (músicu, Corquiéu) – Silvia
Quesada (música) – Lisardo Prieto (músicu, Felpeyu) – Xuan Nel Expósito (músicu) – Gonzalo Llao (músicu, Vrienden) – Rubén
Bada (músicu, L-R) – Merce Santos (música, La Bonturné) – Marga Lorences (música, Caldo y Os Rabizos) – Illán Escalada
Martínez (músicu, Alienda) – Héctor Menéndez Aneiros (músicu, Guieldu) – Rafa R. Valdés (escritor y historiador) – Maxi
Areñes (músicu, Fontoria) – Tante Blanco (músicu) – Alba Carballo (escritora) – Diego Pangua (músicu, Felpeyu) – Dani
Álvarez (músicu, Corquiéu) – Moisés Suárez (músicu, Felpeyu) – Nuria Tarodo (música) – Xuan Rodríguez (músicu, Llan de
Cubel) – Xosé Martínez Álvarez (músicu, Ún de Grao) – Víctor Raúl Pintado (escritor) – Guillermo Pérez (músicu y promotor
musical, Fabriok) – Lluis Aique Iglesias Fernández (escritor) – Violeta Trexu Fombella (escritora) – Pablo Carrera (músicu y
promotor musical, AMansalva) – Miguel Ángel Díaz de la Campa (escritor) – Francisco Rodríguez Buznego (músicu, Alienda)
– Fernando Alcalde (músicu) – Silvia Fernández García (música) – Luis Nicolás Carrete (músicu, Felpeyu) – Nel Sánchez
(músicu, Los Gascones) – Carlos García Villamil (músicu, Skontra) – José Manuel Sabugo (músicu, D’Urria) – Octavio Trapiella
(músicu) – Nel Morán (escritor) – Mapi Quintana (música) – Luis Núñez (músicu) – Tina Cuadriello (música, Pandereteres de
Fitoria) – Vicente García Oliva (escritor) – Miguel Solís Santos (escritor y dibuxante) – Dolfu R. Fernández (músicu) – Pablo X.
Suárez (escritor) – Ana Belén Antón (música, Antón Menchaca) – Alberto Vázquez García (dibuxante y documentalista) – Borja
Baragaño (músicu) – Rubén Alba (músicu) – Xandru Vega (músicu, Skama la Rede) – Marcos Valle (promotor musical, Actos
Management) – Xicu Ariza (xestor musical, musicasturiana.com) – Esther Prieto (escritora y editora, Trabe) – David Artime
Coto (escritor) – Natalia González Menéndez (música, Ochobre) – Diego González López (músicu, Misiva) – Paquita Suárez
Coalla (escritora) – Abel Pérez Méndez (promotor musical y cultural, Mialma Producióis) – Carlos Casado Huerta (músicu,
Slum Suit) – Iván de la Mata (promotor musical, El Garaje Producciones) – Toli Morilla (músicu) – Xaime Martínez (músicu)
– David Suárez ‘Cai’ (músicu, Conceyal de Cultura de L.lena) – David Rodríguez Otero (músicu, Mala Reputación) – Damián
Barreiro (periodista y escritor) – Xurde Fernández (escritor) – Ricardo Saavedra (músicu, Bacotexo) – Manuel Veiga “Pirri”
(músicu, Escuela de Odio) – Carlos Rubiera (músicu y escritor)

Redacción Nortes
Escrito por

Te contamos lo ocurrido centradas en la periferia.

2 Comentarios

2 Comments

  1. Pingback: Más cultura asturiana na RTPA | Tierra alantre, la mesma fala

Responder

Tu dirección de correo electrónico no será publicada. Los campos obligatorios están marcados con *

Lo más leído

El hilo que cuestiona la repercusión internacional de los Premios Princesa

Actualidad

Los recortes de Canteli: Oviedo, del 0,7% al 0,0%

Actualidad

“El posmodernismo se ha convertido en un fetiche al que culpar de todo”

Cultura

El hombre que mató a Lluis Companys

Cultura

Asociación Cultural Nortes de Asturias © 2020 · Centradas en la periferia

Nortes en redes