Radu Jude rememora nel FICX la dictadura de Ceaucescu usando archivos de la Televisión Rumana

Recomendados

Rita Álvarez Tudela
Rita Álvarez Tudela
Fotoperiodista viajera. De vuelta en Asturias tras pasar por Madrid, Iowa, Pekín y Londres. Le gusta contar pequeñas historias. Publicó en Al Jazeera English News, La Voz de Galicia, Deia y Atlántica XXII.

La Sociedá Cultural Xixonesa patrocina a partir d’esti martes la proyección de la película Uppercase Print, del director rumanu Radu Jude, dientro de la Estaya Albar de la Selección Oficial a competición de la 58 edición del Festival Internacional de Cine de Xixón.

La última película de Jude, basada na obra de teatru Tipografic Majuscul de Gianina Cărbunariu ya inspirada en fechos reales, llega a FICX tres el so pasu pela última edición de la Berlinale. El film estructúrase en dos histories: d’un llau, la de Mugur Călinescu, un mozu que rayaba les muries en Bucarest en 1981 pa protestar contra la dictadura de Ceaucescu. D’otru, la historia de la propia dictadura, basándose n’archivos de la Televisión Nacional de Rumanía.

“Vi la obra (de Gianina Carbunariu) en dalgún momentu del 2012 y acuérdome que pensara cómo una película inspirada nel mesmu casu nunca funcionaría”, dixo Jude nuna conversación recién cola autora de la obra de teatru.

Tráiler de Uppercase Print.

En tou casu, Jude siguió pensando no que viera representao, y finalmente, el so creciente interés polos archivos fizo posible que la llevara a la gran pantalla.“Pa mi, lo que Gianina llogró facer nun ye namás un ésitu teatral, sinón tamién una versión bien cercana a lo que yo mesmu toi interesáu en facer usando materiales d’archivu”, apunta Jude, definiendo esta película como una collaboración xenuina con un puntu de partida distintu al qu’utiliza n’otros llargometraxes, a pesar del so cinismu y la so incapacidá de construyir un personaxe positivu.

La película emítese dende esti martes, a les 19.30, hasta’l vienres a la mesma hora. Podrá vese en Filmin, dientro de la estaya Albar.

La esperiencia creando Uppercase Print foi tan positiva, que volvió tirar de material d’archivu pa faer el documental La salida de los trenes, trabayando nesti casu col historiador Adrian Cioflâncă.

Jude (Aferim!, Osu de Plata a la Meyor Dirección) torna al FICX con una nueva revisión de la historia reciente del so país, tresmanando les llendes ente l’usu del archivu audiovisual y la ficción, siempre dispuestu a solmenar y trescalar al espectador.

Director y guionista rumanu, Jude estudió cine en Bucarest y empezó la so carrera como asistente de dirección. Nel 2006, fixzo’l cortu El tubu con sombreru, ganador de más de 50 premios internacionales. La ópera prima de Jude, The Happiest Girl in the World (2009) foi escoyida pa más de 50 festivales internacionales de cine. Títulos como Aferim, Corazones Asustaos y Toos na nuesa familia siguió y ganó múltiples premios: Osu de plata pal meyor Director na Berlinale 2015, Premiu Especial del Xuráu en Locarno 2016 y una nominación de la EFA como meyor guionista.

La so última película Nun m’importa si pasamos a la historia como bárbaros (2018) ganó’l Globu de Cristal al meyor Premio de Cine y Label Europa Cinema en Karlovy Vary.

Actualidad

Dejar respuesta

Please enter your comment!
Please enter your name here