El ciclu de conciertos per Internet Amosando retoma la so programación

Recomendados

David Artime
David Artime
Periodista y escritor. En 2009, ganó el premio de narrativa en lengua asturiana de la editorial Trabe con la novela "La Bufanda", en la que aborda el mundo de los ultras de fútbol.

El ciclu de música asturiana Amosando entamó esti pasáu domingu a emitir otra vez selmanalmente vídeos de les sos actuaciones. Nesti casu foi’l turnu pa los llioneses D’Urria. Queden per delantre actuaciones d’otros once artistes y grupos nesta programación, que tresmite per internet un formatu ente conciertu d’aforu reducíu, programa de televisión y alderique. Trátase siempre de música en llingua asturiana.

En total van ser más de 30 pieces con cantares de los 12 renomaos artistes que tocaron nes anteriores ediciones. En marzu del 2019 nacía Amosando, un ciclu de presentaciones de discos entamáu por musicasturiana.com, con un formatu ente conciertu acústicu con aforu reducíu, programa de televisión y alderique; too ello emitío per Internet pa qu’aporte a persones de tol mundu.

Ante la falta de música en vivo por mor de la crisis sanitaria, la iniciativa decidió facer esti añu emisiones selmanales con pieces de cantares grabaos nes ediciones 2019 y 2020 d’Amosando. Van ser más de 30 emisiones qu’axunten a dellos de los artistes más renomaos de la escena n’asturianu.

Les emisiones son tolos domingos a les 21.30 en Facebook y n’Instagram

L-R, Xaime Martínez, Ún de Grao, D’Urria, Anabel Santiago y Eva Tejedor & Les Pandereteres, Cerezal, Silvia Quesada, Felpeyu, Fruela 757, Bestiariu (con Alicia Álvarez y David Varela) y Misiva, dan forma a estes emisiones que van tener llugar tolos domingos a les 21.30h nel Facebook e InstagramTV de musicasturiana.com.

Unes actuaciones que reflexen la calidá de la música fecha en llingua asturiana amás de la so diversidá, yá que recueyen estilos como’l pop, indie, electrónica, folk, tonada, canción de autor y rock. Les emisiones entamaron esti domingu 7 de febreru col videu La campanona de D’Urria.

MÁS DE 200.000 REPRODUCCIONES

Dende musicasturiana.com -organizadora d’esta iniciativa que cuenta cola realización audiovisual de Javi Lueje, la collaboración de Goxe Producciones, el patrociniu de Xixón Turismu y Fundación Caja Rural de Asturias, y la subvención de la Conseyería de Cultura, Política Llingüística y Turismu-, ya tán trabayando pa poder facer una nueva edición en 2021 cola participación de 6 nuevos grupos.

Mentanto, dan continuidá a Amosando con estes emisiones selmanales y faen un balance positivu del ciclu: en dos años los sos videos algamaron más de 210.000 reproducciones y los vieron en más de 60 países.

Actualidad

Dejar respuesta

Please enter your comment!
Please enter your name here