Andecha ve reforzaes les sos coaliciones con ERC tres los resultaos electorales catalanes

Da por fecho que l'Estáu Español tien qu'entamar otra transición na que se reconoza "la voluntá del Pueblu Trabayador Asturianu".

Recomendados

David Artime
David Artime
Periodista y escritor. En 2009, ganó el premio de narrativa en lengua asturiana de la editorial Trabe con la novela "La Bufanda", en la que aborda el mundo de los ultras de fútbol.

La organización Andecha Astur anunció esta selmana nuna nota de prensa la so intención de siguir “dando puxu” a les sos coaliciones electorales col nacionalismu d’izquierdes catalán, gallegu y vascu, tres el “trunfu soberanista y, especialmente, los bonos resultaos de los compañeros d’ERC y la CUP”.

La formación, que concurrió a les últimes elecciones europees na alianza Agora Repúbliques (con ERC, Bildu, BNG, Ahora Canarias y Puyalón de Cuchas), considera que tres estes elecciones l’Estáu Español tará obligáu d’entamar “una nueva transición” y una “tresformación del mesmu”. “Y garantizamos la presencia activa d’Asturies nel procesu, de manera que se reconoza la voluntá soberana del Pueblu Trabayaor Asturianu. Pa ello siguiremos dando puxu a les coalliciones polítiques que tradicionalmente caltenemos colos partíos soberanistes de Catalunya, Euskal Herria, Galicia y otres partes del Estáu”, apuntó la nota.

LA ORGANIZACIÓN CONCURRIÓ A LES ÚLTIMES EUROPEES CON BILDU Y ERC

Andecha considera que’l soberanismu catalán “trunfó nestes elleiciones de manera indiscutible y eso supón que l’Estáu español nun ye viable na conformación xurídico-política d’anguañu, viéndose abocáu a un nueu procesu de transición de magar de la reconocencia la soberanía de los Pueblos que conformen l’Estáu”.

“El réxime’l 78 ta caducu ya’l trunfu del soberanimsu empobínamos haza una nueva transición, qu’ esperamos qu’esta vuelta sí seya democrática, y na qu’Asturies nun pue tornar a quedar al marxe, sinón que –esi ye’l compromisu d’Andecha Astur- participará nellos con entidá propia”, anuncia la organización.

DEFENDE QUE’L PSOE QU’ENTAME UN PROCESU NEGOCIADOR

La formación considera que’l PSOE agora “alcuéntrense na disyuntiva de saber que tien de negociar una salía política al conflictu catalán, pero tamién qu’ello tendrá pal partíu ciertu coste’n militancia y votu”. Si’l PSOE se resiste a exercer esi papel negociaor d’un nueu status xuridicu-políticu, tará dándo-y puxu a la estrema drecha (VOX), que podrá dir comiéndo-y al PSOE tarrén comu voceru principal del españolismu”, opina Andecha Astur.

Pel contrario, “si’l PSOE asume la responsabilidá que-y toca de coprotagonizar un procesu negociaor qu’igüe’l conflictu y algama un pautu, más o menos rápidu, col soberanismu catalán, afitaráse una solución política nun marcu nueu; eso permitirá cicatrizar un conflictu hestóricu y, a la llarga, esa nuea estabilidá dirá desactivando les posibilidaes de xorrecimientu del facismu, que quedará llendáu a una espresión testimonial”.

SOBERANISMU TAMIÉN DE DERECHES

Almite la organización que “l’avance’l soberanismu catalán inclúi l’avance de dalgún partíu de dreches“. “N’Andecha Astur somos coscientes de la llucha de clas y la llucha de lliberación nacional son paraleles: la lliberación de los trabayaores ye la lliberación de les sos naciones y viceversa”, añade’l comunicáu.

“En tou casu, hai que reconocer la conveniencia de que los sentimientos de lliberación nacional seyan compartíos tresversalmente por tola sociedá, tamién poles dreches, dalgo qu’a vegaes ye posible; mentantu qu’enxamás van compartir los oxetivos de lliberación de la clas trabayaora”, afirma la organización.

- Publicidad -spot_img

Actualidad

1 Comentario

Dejar respuesta

Please enter your comment!
Please enter your name here