Cangas del Narcea convoca’l XIX Concursu de Cuentos Curtios

Les obres, escrites n’asturianu normativu o na variante occidental, van poder presentase hasta’l 31 de xunetu.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

El Conceyu de Cangas, a traviés del so Serviciu de Normalización L.lingüística, acaba de convocar el XIX Concursu de Cuentos Curtios, nel que van poder participar persones mayores de dieciséis años con un relatu únicu, escritu n’asturianu normativu o na variante occidental. El plazu pa presentar obres a esta decimonovena edición ta abiertu hasta’l 31 de xunetu.

El certame cangués, que ye de los más veteranos nes lletres asturianes, establez dos premios de 500 euros (cantidá a la qu’hai qu’aplicar una retención fiscal del 19%), ún d’ellos na categoría d’asturianu estándar y otru n’asturianu occidental. Los cuentos, de tema llibre y con una estensión mínima de cinco fueyes y máxima de venti a espaciu doble, han de de ser presentaos con una sola copia y nun sobre ensin remite o con seudónimu qu’axunte dientro una plica cola identidá y los datos de contactu de l’autora o autor. Ye posible entregalos en persona o por corréu postal nel Serviciu de Normalización L.lingüística: Casa la Cultura Palaciu d’Oumaña, La Plaza la Oliva, s/n, 33800 Cangas del Narcea.

El xuráu va tar formáu por representantes de la Conceyalía de Cultura, el Serviciu de Normalización L.lingüística, la Rede de Normalización Llingüística nos Conceyos, profesoráu y escitores n’asturianu. Los ganadores d’esti concursu na edición anterior fueron l’asturlleonés Armando Gutiérrez Rodríguez pol so cuentu Divina Providencia y el sierense Pablo Suárez Fernández pol relatu Escritora de taces.

- Publicidad -spot_img

Actualidad

Dejar respuesta

Please enter your comment!
Please enter your name here