Concentraciones en Xixón y Uviéu pa denunciar la represión de les protestes sociales en Colombia

Soldepaz Pachakuti, AMA y CODOPA convoquen pa esti xueves un actu na plaza del Institutu

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

La xixonesa plaza del Institutu va ser escenariu esti xueves, día 6, a les siete de la tarde, d’una concentración pa denunciar la violencia policial y militar y la folada de represión cola que’l Gobiernu colombianu d’Iván Duque ta respondiendo a les protestes sociales de les últimes feches. L’actu ta convocáu pol Colectivu Luciano Romero Molina, Soldepaz Pachakuti, Asamblea Moza d’Asturies (AMA), Acción en Red Asturies y la Coordinadora Asturiana d’ONGD (CODOPA). El sábadu, a les seis de la tarde, va haber otra concentración na uvieína plaza de la Escandalera, delantre de la escultura La Maternidad, del colombianu Fernando Botero, entamada por Colombianos en Pie de Lucha.

Les entidaes convocantes denuncien, nun comunicáu nel que faen un llamamientu a la participación nel actu de mañana, que “los derechos esenciales tán siendo de nueves vulneraos masivamente” nel país sudamericanu en rempuesta a una movilización xeneral contra l’Executivu de dereches qu’entamó’l pasáu 28 d’abril y que sigue “a pesar de la retirada parcial del ‘paquetazu’ tributariu por parte del Gobiernu. Afirmen que Duque, “testaferru d’Álvaro Uribe, fizo casu al llamamientu irracional del ex presidente de sacar los militares a la cai contra les marches, y dar cobertura a les bales policiales contra los manifestantes. L’horror incrementóse, y mesmamente la ONU llamó a parar les masacres”.

En ciudaes de tol mundu tán llevandose a cau estos díes concentraciones y actos, delantre d’embaxaes y consulaos colombianos, pa refugar y denunciar esi incrementu de la represión contra la ciudadanía d’aque país. N’Asturies, onde nun hai representación diplomática de la República de Colombia, el llugar escoyíu ye la céntrica plaza xixonesa del Parchís.

Actualidad

Dejar respuesta

Please enter your comment!
Please enter your name here