L’Apiaderu reabre les puertes con una axenda enllena de propuestes polítiques, culturales y lúdiques

Chiapas y el Kurdistán, la cuestión transxéneru con Aitzole Araneta, presentaciones de llibros y un conciertu de Zarzamora integren la programación de xunu

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Pali que pali’l CSA L’Apiaderu del Remediu, Nava, abrió les sos puertes a finales de mayu y en xunu asocédense les actividaes  con un programa bien completu nel que s’alternen los alcuentros políticos coles propuestes culturales y lúdiques.  La entrada a toles actividades ye llibre hasta completar l’aforu.

De mano, los xueves 3, 10 y 17 d’esti mes  a les 19:00 hores continúa’l Chigrequiz que principió a finales de mayu, abiertu a la participación de quien se quiera xuntar en cualquiera de les partíes. Y esti mesmu sábado 5 de xunu, a les 18:00 hores, celébrase’l primer Picnic Teóricu col profesor de Psicoloxía de la Universidá d’Uviéu Juan Pastor, que va dar la charla Michel Foucault, caxa de ferramientes escontra la dominación. Al ser un picnic y amás teóricu, l’alimentu pal celebru ponlu’l ponente y pa merendar, tráese de casa.

Al otru sábadu, el 12 de xunu a les 13:00 hores, el centru social acueye’l  conciertu-recital de Zarzamora, que presenta’l so discu Cura y se defiendeP’asistir, por cuestiones d’aforu, hai que s’apuntar nel blog del Apiaderu.

La selmana siguiente, el sábado 19  a les 18:00 hores, el dibuxante Guillermo Menéndez Quirós presenta los sos cómics Leonardo y Milicias vascas antifascistas. La lliteratura sigue teniendo espaciu esti mes nel CSA L’Apiaderu’l domingu 27 a les 13:00 hores con una Timba Poétika y la presentación del llibru  Díes otros de Laura Marcos,  obra ganadora del Premiu Fernán Coronas de poesía en 2019.

En clave política, una de les autores del llibru Mujer, vida, libertad va tar el domingu 20 de xunu a les 13:00 hores falando d’esti trabayu nel que s’esplica la historia del Movimientu de Muyeres del Movimientu de Lliberación del Kurdistán. El día 26 ye’l turnu de conocer la situación en Chiapas, con una charla previa a la Xira Zapatista  que principió esti mes de mayu cola salida dende México del barcu “La Montaña” con integrantes del exércitu zapatista  rumbu a Europa.

El mes zárralu’l miércoles 30 a las 18:00 hores la charla Sexos, xéneros y viceversa: la cuestión trans, de la sexóloga y activista trans y feminista Aitzole Araneta.

- Publicidad -spot_img

Actualidad

Dejar respuesta

Please enter your comment!
Please enter your name here