El grupu asturianu de ska-fusión La Tarrancha va ufrir esti fin de selmana’l so primer conciertu del añu. La cita ye’l sábadu, a les dos y media de la tarde, en La Casona de la Montaña, nel Parque d’Iviernu d’Uviéu. Les persones interesaes en dir han d’acutar mesa, pa comer y ver el conciertu, a traviés del númberu de teléfonu 605822188.
La Tarrancha ye una banda con cuasi venti años d’hestoria, formada por siete músicos y músiques, qu’apuesta pol ska, el soul y el reggae, ente otros ritmos.
