Esti sábadu va celebrase la segunda edición del Salón del Videoxuegu, un eventu que combina la formación y l’entretenimientu nel sector de los videoxuegos. L’actividá va tener llugar na antigua Escuela de Comerciu de Xixón el sábadu 16 de diez de la mañana a ocho de la tarde.
Esti salón ufre dos espacios diferenciaos, ún d’ellos centráu na promoción del sector del videoxuegu asturianu y na internacionalización del videoxuegu, con delles conferencies y masterclasses, y otru que va desarrollase na segunda planta, con un espaciu pa disfrutar de les nueves consoles PS5 y Xbox X, asina como de la realidá virtual y los torneos de Smash Bros y de Tekken.
El programa ye’l siguiente:
11-12 hores. Phil González (Meteorbyte Studios): Cómo publicar videoxuegos dende Asturies.
12-13 hores. Daniel Santigosa (presidente d’ICOA): La producción de eventos indie: la experiencia del Indie Dev Day 2021.
16-17 hores. Javier Gálvez (Mango Protocol): Hacer videojuegos mola, pero…
17-18 hores. Laura González: Mamá, quiero ser desarrolladora de videojuegos.
18-19 hores. Mariona Valls (Mango Protocol): ¡Level up! Artista de Videojuegos.
19-20 hores. Adrián Carbayales Terés. Presentación de Tiempu de Lleendes, un RPG n’asturianu.
La entrada ye llibre hasta completar l’aforu, anque la organización encamienta que s’acute plaza pa les conferencies a traviés del corréu electrónicu salonvideuxuegu@gmail.com
