Arranca la Escuela Paisana de Cabranes

La historiadora Margarita Fernández Mier ye una de les participantes nel ciclu, xunto con Leticia González Menéndez y Damián Barreiro.

Recomendados

Beatriz Redondo Viado
Beatriz Redondo Viado
Periodista y profesora de secundaria.

El Serviciu de Normalización Llingüística de la Comarca de la Sidra, en collaboración col conceyu de Cabranes, programa pa esti mes d’avientu la Escuela Paisana, un ciclu de charles n’asturianu que ñaz cola idea d’aportar perspectives nueves a aspectos diversos de la cultura tradicional asturiana.

El ciclu entama esti xueves 2 d’avientu cola charla ‘Asturianía Kitsch: de La Santina a Les Madreñes, a cargu del periodista y youtuber Damián Barreiro, y continuará’l xueves 9 con ‘Cantar, baillar, tocar la pandereta. Les otres histories de la música asturiana a cargu de la doctora n’Historia del Arte y cantante del grupu L-R Leticia González Menéndez. La medievalista y arqueóloga de la Universidá d’Uviéu Margarita Fernández Mier va ser la encargada de poner el ramu a les xornaes, el miércoles 15 d’avientu, con ‘Los olvidaos de la historia. Cómo averase al campesináu a traviés de l’arqueoloxía’.

Toles charles tán programaes pa les 19:00 hores na Casa Conceyu de Santolaya y tarán complementaes poles Memories de Cabranes, onde se compartirán los resultaos de los talleres de recuperación de memoria que’l Serviciu de Normalización Llingüística vien desenvolviendo esta seronda con un grupu de mayores del conceyu.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí