Homófoba y xenófoba: La campaña de Vox qu’indigna n’Asturies

Iniciativa pol Asturianu y XEGA van instar a la Fiscalía a saber si hai un posible delitu d’odiu.

Recomendados

Nicolás Bardio
Nicolás Bardio
Es politólogo, escritor y creador de juegos de rol.

Adrián Barbón, presidente del Principáu y Adrián Pumares, líder de Foro Asturies foren yá l’oxetivu de delles campañes propagandístiques de señalamientu por parte de la formación ultraderechista Vox. Nesta ocasión, la valla publicitaria que’l partíu ultra pagó coles perres de les asignaciones presupuestaries del grupu parllamentariu na Xunta Xeneral, da una vuelta de tuerca a la so xenofobia habitual escontra la llingua asturiana y mécela con una bona dosis d’homofobia.

La campaña foi condenada nes redes por partíos y asociaciones

Iniciativa pol Asturianu y XEGA denuncien conxuntamente la campaña

L’asociación de defensa del asturianu Iniciativa pol Asturianu y la organización de referencia pola diversidá sexual n’Asturies, Xente Gai Astur (XEGA) van instar a la Fiscalía a saber si hai un posible delitu d’odiu na campaña que firma Vox Asturies. L’asociación de defensa del idioma denunció que “tamos ante una nueva campaña escontra la llibertá, la mayoría social y l’idioma. Xustamente lo contrario de lo que reclama la sociedá asturiana que ye respetu, convivencia y futuru pa les llingües d’Asturies”.

Pela so parte, XEGA denunció’l claru matiz homófobu de la campaña entamada pola estrema drecha: “La realidá d’esta minoría ye la de siempres: oponése a cualesquier avance de drechos seyan sociales, civiles o llingüísticos y amás faciéndolo d’una manera que ye la d’atacar la sensibilidá d’un colectivu tan maltráu. La homofobia nun tien cabida na política asturiana. Agora toca actuar y aprobar una llei LGTB n’Asturies”

Llamáu a la fiscalía

Les organizaciones Iniciativa pol Asturianu y XEGA ficieron un llamáu al Gobiernu d’Asturies pa instar a la Fiscalía pa ver si hai un posible delitu d’odiu na campaña firmada por Vox. Pa les entidaes la meyor manera de frenar estes campañes ye “llexislando p’algamar y afitar drechos civiles al traviés de la reforma estatutaria pa incluyir la oficialidá y al traviés de l’aprobación d’una llei LGTB n’Asturies”.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí