“Caxellu de Pallabres”, el xuegu viral tien yá adautación al asturianu

El xuegu consiste en formar una montonera pallabres con unes poques lletres. Cada día propónse un nuevu retu.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

La idea del xuegu ye cenciella y les regles pa xugar tamién. Cada día, la páxina web apurre seis lletres secundaries y una lletra principal. ¿L’oxetivu? Formar pallabres usando namás eses lletres y nes que siempre ha tar presente la lletra principal. Nun hai problema en repetir les lletres, anque nun se puede emplegar nenguna que nun venga.

Cada pallabra que se forme da una serie de puntos y el xuegu indícanos cuántes pallabres puen formase coles lletres que mos dan. D’esti mou, nun son pocos los que se piquen pa consiguir llegar hasta’l final. Eso sí, namás tienen un día, al otru día cambien les lletres y tamién les pallabres que se puen formar con elles.

Caxellu de pallabres nun ye más que l’adautación al asturianu de “Spelling Bee” (Abeya que solletra), un xuegu n’inglés que tenía la mesma lóxica pero con aquella llingua. Depués, va unes selmanes, la versión catalana del mesmu,“Paraulògic”, convirtióse nun fenómenu de mases y recomendóla hasta l’Institut Català de Salut y rexistró cifres que fixeron que los servidores colapsaran en dalgunos momentos. Los datos de participación siguen medrando, y ye que en dalgunos díes de les fiestes de Nadal, el xuegu llegó a cifres d’ente 120.000 y 137.000 persones, lo que dexa bien claro l’ésitu que tuvo y que sigue teniendo.

La creación del xuegu na so versión n’asturianu foi trabayu d’un equipu dirixíu por Inaciu Galán, cola xestión dixital a cargu del informáticu Óscar David Colorado Espina y col diseñu gráficu, basáu na idea del xuegu como un caxellu d’abeyes y de l’abeya Olaya como símbolu, pol reputáu ilustrador Enrique Carballeira. Amás, cuntaron cola collaboración de los creadores de la versión catalana del mesmu. L’Academia de la Llingua Asturiana collaboró tamién apurriendo’l corpus del diccionariu normativu de la institución, que ye la base na construcción de pallabres. Ye de baldre y pue xugase equí: http://caxellu.playpresta.com/

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí