Mazcaritos d’Uviéu organiza a comuña con Reciella/Families pol asturianu una serie de talleres na ciudá d’Uviéu pa recuperar l’antroxu más tradicional. D’esti mou, el grupu que quier recuperar les mazcaraes urbanes qu’había n’Uviéu’l sieglu pasáu y de les que yá dexare constancia’l famosu pintor Evaristo Valle en 1928, va organizar una serie de talleres pa deprender a amazcarase.
Los talleres organícense los díes 5, 12 y 19 de esti mes.
El taller del día 5 va tar centráu nos personaxes tradicionales del antroxu d’Uviéu, el del día 12 n’antroxos y mázcares y el del 19 n’antroxos, mázcares, música y coples. Ye posible apuntase na direición email mazcaritosduvieu@gmail.com
