Izquierda Asturiana recuerda que ye tovía posible reformar l’Estatutu

El partíu asturianista d’izquierdes, afala a retomar el diálogu a les fuercies favoratibles a la reforma.

Recomendados

Nicolás Bardio
Nicolás Bardio
Es politólogo, escritor y creador de juegos de rol.

El partíu Izquierda Asturiana considera que nun hebo una negociación como tal sinón una serie de “conversaciones previes a la mesma”. Nel so análisis, IAS ataca a Foro por consideralu’l principal responsable del fracasu poles “sos imposiciones” y considera que Podemos tuvo una “falta de midida y ambición ensin control” pa poder “lluchar por facese col protagonismu”, y cúlpenlos por presentar una reforma fiscal na llinia de les esixencies de Foro que consideren “el disolvente definitivu que torga futures negociaciones”. El partíu d’izquierdes nun dulda tamién en criticar a los sos socios de coalición, IX, por tener una “nefasta política de comunicación” y, tamién una “falta de cintura táctica”. IAS entiende que’l xantax fiscal de Foro yera inasumible pa IX pero non pa ellos, que consideren meyor una victoria táctica de Foro qu’una estratéxica de Vox.

Amás d’un análisis, IAS recuerda que ye tovía posible reformar l’Estatutu y qu’Adrián Barbón y el Gobiernu d’Asturies deberíen dar los pasos afayadizos pa demostrar que’l compromisu cola oficialidá ye sinceru. El partíu asturianu anecia “n’encarar con valentía la reforma necesaria que la Xunta Xeneral cumpla colos sos deberes pa col pueblu asturianu. Tamién fala de la necesidá de que l’asturianismu social “faiga tolo posible p’afitar la mayoría social y electoral favorable a la oficialidá” y que lo faiga “texendo consensos” y nun cayendo nun “rellatu d’héroes y villanos que desfaiga’l camín andáu”.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí