El Conseyu de Ministros autorizó esti martes el repartu de 10.189.800 euros n’Asturies pa la financiación del so programa de desendolcu rural.
Esta asignación contémplase na distribución territorial de 158.210.005 euros ente les comunidaes autónomes pa la financiación de los programes de desendolcu rural y someteráse a consideración de la Conferencia Sectorial d’Agricultura y Desendolcu Rural.
Acordies colo qu’informó’l Gobiernu, el repartu fadráse en consonancia colos alcuerdos de l’Alministración Xeneral del Estáu y les Comunidaes Autónomes pa la financiación de los programes de desendolcu rural del periodu 2014-2022 que resulten d’aplicación hasta l’añu 2023, acordies cola normativa europea que permite sumar trés exercicios a la fecha de finalización del ciclu de referencia.
Los programes d desendolcu rural contemplen midíes de sofitu orientaes a ameyorar la competitividá del sector agroalimentariu, asegurar la xestión sostenible de los recuross naturales y l’aición frente al clima y a algamar un desendolcu territorial equilibráu de les zones rurales.
Estes actuaciones finánciense col Fondu Européu Agrícola de Desendolcu Rural (FEADER) y les contribuciones a l’Alminsitración Xeneral del Estáu y de les propies comunidaes autónomes
