IAS fai un llamamientu a un Frente Ampliu de la izquierda asturiana

Izquierda Asturiana pide "axuntar toles cultures polítiques" d’izquierdes pero "respetando la so identidá".

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Izquierda Asturiana consideró, al traviés d’un comunicáu, que’l gobiernu d’Asturies monocolor del PSOE con sofitos parllamentarios d’IU y Podemos y el gobiernu estatal de PSOE y Unidas Podemos “nun tán valiendo pa facer polítiques d’esquierda rialmente efectives”

La organización considera que, sobre manera en tema llaboral, anque hebo avances, éstos tán “mui per baxo de les espectatives que la propia UP vendió pa xustificar la so participación gubernamental”. Mientres qu’otres munches consideren que tán enllancaes como ye’l casu de la educativa, la derogación de la llei mordaza o la de la memoria democrática y igualdá de xéneru. Amás, IAS fala de la esistencia d’un “un vaciamientu de la contestación social yá enantes de l’andanciu” que traxo como resultáu la “xeneración d’un vaciu políticu que ta enllenando en parte la ultraderecha y en parte la decepción” que n’Asturies tien treslláu na “incapacidá” de la FSA a la hora d’articular un proyeutu p’Asturies qu’implique apostar por “un modelu productivu nuevu” y “torgar la emigración”.  N’opinión d’IAS namás hai victories contra la ultraderecha nos “países d’España onde hai una dinámica de movilización social autónoma” como ye’l casu d’Euskadi, Cataluña y Galicia.

Un frente ampliu Asturianu

El partíu considera que ye necesario facer un “frente ampliu asturianu” y que nun puede ser calcu o copia d’otra realidá ayena a Asturies y que debe ser protagonizáu por “actores asturianos” qu’a xuiciu d’IAS habría “axuntar toles cultures polítiques” d’izquierdes pero “respetando la so identidá”; polo que refuga qu’esti frente ampliu se convierta nun partíu nuevu. Tamién, IAS considera que ye preciso “ponese d’alcuerdu tanto nel programa como na estratexa” y, ente otres coses, saber si “se ven posibles o non” los alcuerdos col PSOE y de qué tipu.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí