Esti sábadu 25 de xunu dende les nueve la tarde van tar en directo nel Caricós un abanicu de cantantes de rap qu’abarca dende nueves promeses hasta artistes consolidaos con más de venti años de carrera. Va abrir el cartel Trezze, una xoven rapera a la que va siguir Eduakapenn1, clásicu del rap astur xunto a David Luis y Dave vg. Y pa zarrar el cartel otros dos artistes con gran proyección na escena del rap: Maxtr3s y Yul, veteranos del ḥip ḥop asturianu, dos de los componentes del grupu L.O.R y que presenten nun show conxuntu los sos últimos trabayos en solitario.
Como dj del eventu estará otru clásicu raperu y ún de los productores más respetaos d’Asturies: Zamarro prod, que va collaborar a poner tovía más ritmu a la nueche.
