Una asociación va promover l’asturianismu abiertu, social y ecofeminista de Yolanda Huergo

Va llamase "Grana" y entamará dos iniciatives biañales: un premiu a la investigación n’asturianu y unes xornaes monográfiques.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

L’asociación Grana, que se presentó esti sábadu en Xixón, ye la iniciativa d’un grupu promotor d’amigos y amigues de Yolanda Huergo, que ta abierta a la incorporación de socios y socies.

Hestórica militante del movimientu asturianista, d’organizaciones sociales y nos últimos años conceyala de Podemos-Equo Xixón, Huergo morrió en 2020 por causa de un cáncanu contra’l que llevaba años lluchando. L’oxetivu d’esta iniciativa ye “tresformar la señaldá que produz el recuerdu de Yolanda l’amiga, la compañera, l’activista… n’enerxía creadora, na grana azul del futuru de la que fala’l cantar de Felpeyu que tanto-y gustaba a ella”

L’equipu promotor de Grana pretende crear con esta asociación un espaciu d’alcuentru pal debate y pal pensamientu y d’estímulu a iniciatives diverses, pero siempre col focu puestu n’Asturies y cola perspectiva de la defensa de los derechos llingüísticos, los derechos humanos, la xusticia social y la protección del mediu ambiente, que foron los ámbitos nos que trabayó Yolanda, y calteniendo tamién l’espíritu constructivu y de diálogu que guiaron siempre la so trayectoria personal y política.

Grupu promotor de Grana.

Con esi planteamientu Grana entamará dos iniciatives biañales: un premiu a la investigación n’asturianu, el premiu Yolanda Huergo, del que se va convocar la so primer edición en 2023 y unes xornaes monográfiques que van entamar esti mesmu añu 2022 nel mes de payares. 

Nes primeres xornaes monográfiques organizaes por Grana va tratase la forma y repartu de los recursos n’Asturies, la ordenación del territoriu y la evolución del repartu poblacional. La intención ye valorar, nun espaciu de debate y reflexón, cómo los planes y los debates actuales sobre los desarrollos urbanísticos, la evolución demográfica, el despoblamientu de les ales y los planes de desenvolvimientu económicu van condicionar el futuru d’Asturies.

Pa ello vamos contar cola presencia de seis espertos, tanto d’Asturies como d’otros llugares, en diverses disciplines que van aportar la so visión en dos sesiones que van tener llugar nel Antiguu Institutu Xovellanos de Xixón, la tarde del viernes 4 de payares y la mañana del sábadu 5. 

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí