Aína, la nueva formación soberanista d’izquierdes, va celebrar el so congresu fundacional en Corvera

El partíu va echar andar nel mes de payares una vegada consiguíu más d'un centenar d'afiliaciones.

Recomendados

Diego Díaz Alonso
Diego Díaz Alonso
Historiador y activista social. Escribió en La Nueva España, Les Noticies, Diagonal y Atlántica XXII. Colabora en El Salto y dirige Nortes.

Marcáranse un númeru mínimu d’afiliaos yd’ afiliaes pa constituise y alcanzáronlo. La nueva plataforma soberanista d’izquierdes yá pasa del centenar d’afiliaciones. Dende Aína siéntense satisfechos pol sofitu que tán recibiendo pa echar andar un proyectu que se daba a conocer n’abril d’esti añu con una campaña en redes col eslogan:#HaiCamínÑazAina.

Los sos promotores consideren que’l llanzamientu del nuevu partíu resulta “una noticia ilusionante pa la sociedá asturiana en xeneral y pal asturianismu políticu en concretu”. Anque angüaño un bon númberu d’asturianistes d’esquierdes militen en Podemos y IX, namás hai un partíu nacionalista d’esquierdes que se presente a les elecciones cola so propia marca, Andecha Astur, que caltien relaciones confederales con EH Bildu, BNG y ERC. Nes últimes elecciones asturianes llogró’l 0,3% de los votos.

Dende Aína falen de “orfandad política” d’un asturianismu d’esquierdes difusu qu’esiste de manera desorganizada y ensin referentes políticos na sociedá y nos movimientos sociales asturianos. Tres repitíos fracasos la esquierda nacionalista foi retirándose del tarrén electoral a lo llargo del sieglu XXI, optando mayoritariamente pol trabayu n’organizaciones d’esquierdes d’ámbitu non puramente asturianu, como los ex militantes del Bloque por Asturies y Compromisu, en Podemos Asturies, o al traviés de coaliciones, como la que caltien dende fai años Izquierda Asturiana con IX Asturies. Pa los promotores de Aína, na so mayoría xente mozo militante de la esquierda soberanista asturiana, ensin adscripción partidaria, ye necesario “reconstruyir una ferramienta política propia”. Reconocen que miren con interés al BNG, la esquierda abertzale o les CUP, pero sobremanera al asturianismu que entama nos años 70 cola fundación de Conceyu Bable nel tardofranquismo.

El 6 de payares el Llar de Corvera acoyerá el primer congresu nacional d’Aína, “una organización política que fai un llamáu a la reconstrucción d’un espaciu propiu dende’l soberanismu, la esquierda y el feminismu, que tenga como exes la defensa del territoriu, los derechos humanos y los servicios públicos, la reindustrialización caltenible y l’internacionalismu…”.

De esti congresu fundacional va salir una executiva, unos grupos de trabayu, unes estratexes y unes llinies programátiques. ¿Van presentar listes a les elecciones en solitario o dientro d’un frente ampliu d’esquierdes? Fontes d’Aína señalen que ye pronto para falar d’eso: “inda nun ta tomada nenguna decisión sobre les elecciones, lo primero ye construyir l’equipu y depués ver en qué lliga xugamos”

Actualidad

1 COMENTARIO

DEJA UNA RESPUESTA

Por favor ingrese su comentario!
Por favor ingrese su nombre aquí