“Llámame arbeyu”

"Les coses pol so nome" ye una campaña institucional que pretende promover l'usu del asturianu a la hora de facer la compra.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

La Conseyería de Cultura, Política Llingüística y Turismu llanza la campaña Les coses pol so nome, una iniciativa que pretende promover l’usu del asturianu a la hora de facer la compra dando visibilidá a les fórmules llingüístiques tradicionales pa los distintos productos.

El Gobiernu del Principáu, en collaboración cola Unión de Comerciantes d’Asturies, va distribuyir en tiendes y supermercaos medianos de tola rexón materiales divulgativos, como cartelos y folletos qu’incluyen un vocabulariu pequeñu coles denominaciones tradicionales de la carne, el pexe o la fruta y verdura n’asturianu y eonaviegu. Llámame pitaLlámame arbeyu o Llámame andarica son dellos de los reclamos promocionales de la campaña pa tentar de fomentar l’usu de la llingua asturiana a la hora de facer la compra.

El director xeneral de Política Llingüística, Antón García, presentó la campaña acompañáu pol director xeneral de Comerciu, Entamadores y Economía social, Julio González Zapico, y la xerente de la Unión de Comerciantes d’Asturies, Carmen Moreno.

La campaña va desarrollase hasta finales d’añu en dellos soportes y per dellos medios: repartu de cartelería y de folletos con un vocabulariu sectorial pequeñu, anuncios na TPA, anuncios en prensa escrita y dixital, cuñes en cadenes de radio, redes sociales, mupis nes ciudades más importantes, etc. Los materiales van repartise n’asturianu en bona parte del territoriu d’Asturies con una dotación específica n’eonaviegu pa la parte más occidental de la comunidá.

Actualidad

DEJA UNA RESPUESTA

Por favor ingrese su comentario!
Por favor ingrese su nombre aquí