La manifestación pola oficialidá de la llingua asturiana y el gallego-asturianu qu’entama la Xunta pola Defensa de la Llingua Asturiana (XDLA) nel Día de les Lletres va celebrase esti sábadu 6 de mayu. La cita ye na Estación del Norte d’Uviéu a les 12 hores.
La marcha va atravesar la cai Uría p’acabar na Plaza de La Escandalera, onde va lleese’l discursu de la convocatoria, del que va encargase l’actriz Natalia Suárez Ríos, y onde van participar dellos músicos y músiques de la escena asturiana pa poner el ramu a una xornada de reivindicación. El públicu asistente va poder sentir a Ún de Grao, Alicia Álvarez y David Varela y Misiva.
La organización lleva 40 años entamando esta manifestación, na que nesta ocasión van tener un protagonismu especiales les lletres de la palabra oficialidá. Asina, la XDLA quier “reivindicar que los derechos llingüísticos de los asturianos y les asturianes nun merecen más aplazamientos y que van siguir saliendo a la cai pa reclamalos”.
