La plataforma de distribución dixital y venta de discos musicaasturiana.com asoleyó güei un manifiestu que busca ser la respuesta de sector musical al vetu qu’esti día anunció nuna entrevista la conceyala de festexos de Vox en Xixón, Sara Álvarez Rouco.
En llinia colo afirmao por otres entidaes, como Andecha Astur, que denunció a la conceyala por delitu d’odiu, el manifiestu de sector musical considera que vetar a artistes pola llingua qu’usen ye una «vulneración de derechos gravísima», y que constitúi un ataque contra’l sector musical nel so conxuntu y poro, contra los sos trabayadores y contra la xente aficionao que toca n’agrupaciones folclóriques, coros y bandes de gaites.
Finalmente, el manifiestu fai un repásu pel valor mesmo económicu que cultural que tien y tuvo la música asturiana nel país, y en consecuencia, fai una llamada pa que la xente del sector que quiera apoyar la reivindicación pueda facelo rellenando esti formulariu, que va tar disponible hasta’l domingu 2 de xunetu. Los sofitos van facese públicos la selmana del 3 de xunetu.
