Mañana xueves 6 de xunetu va tener llugar, nel espaciu de Cuatro Gotes Producciones (c/ Emilio Tuya, 51), l’anunciu del gallardonáu o gallardonada col III Radagast de Lliteratura Fantástica, Ciencia Ficción y Terror, que convoca la editorial col mesmu nome. Esti premiu de calter añal reconoz la meyor novela inédita de ciencia ficción, terror y lliteratura fantástica y da al ganador un diploma, 300€ en metálicu y la publicación de la obra.
Nel mesmu actu va presentase tamién la novela ganadora de la segunda edición (2021): La vieya, del traductor, profesor de secundaria y escritor Aique Fernandi. Esta ye una una novela que, acordies cola editorial, «xuega cola mitoloxía celta y los mitos fundacionales, el terror psicolóxicu y el mieu».La historia que se narra nella ye la d’un matrimoniu que, de la que va pel monte, acaba separtándose demasiao del camín y acaba embruxiláu por una creatura ancestral nuna novela que raspia lo lovecraftiano».
