El xuráu del XXXII Premiu Teodoro Cuesta de Poesía, compuestu por Xandru Fernández González, Gonzalo González Barreñada, Pablo Rodríguez Medina, Esther Prieto Alonso y Laura Marcos Domínguez, decidió por mayoría conceder el Premiu al poemariu tituláu “L’acentu (de per embaxu) de les velux grandes” , presentáu baxu’l sinónimu de “Faisán Últimu” , abierta la plica correspondiente resultó ser el so autor Milio Ureta.
Dotáu con un premiu de 4.000 euros, el del Conceyu de Mieres cuenta nel so palmarés con autores de prestixu de les lletres asturianes como Berta Piñán, Xuan Bello, Lourdes Álvarez o Vanesa Gutiérrez.
Milio Ureta tien formación n’Artes Escéniques y ye graduáu n’Humanidaes porla Universitat Oberta de Catalunya. Nestos momentos ta becáu pa facer la Residencia Literaria 1863 de La Coruña, como ganador de la III Residencia Asturies de la Conseyería de Cultura del Principáu d’Asturies.
