Los partíos Aína, Extremeñistas y Alantre piden “seriedá y compromisu al Gobiernu d’España pa la reapertura del corredor ferroviariu Ruta de la Plata que vertebre la conexón de los territorios del oeste”
Denuncien a comuña l’escaezu y abandonu históricu del gobiernu central col oeste del Estáu, que deriva nuna falta de futuru y oportunidaes pa les habitantes d‘Asturies, Lleón, Zamora, Salamanca, Cáceres y Badajoz.
Pese al sofitu inicial nel Parllamentu Européu pa financiar la reapertura enantes de 2040, foi l’Executivu español el que lo consideró non vidable, sacando’l so trazáu de la rede básica Transeuropea de Tresporte,
Ente otres cuestiones, reclamen que s’axilice “l’estudiu de la reapertura del tramu Salamanca-Plasencia como una primer fase d’inversiones que deben acometese pal desendolcu de les comunicaciones ferroviaries d’estos territorios y evitar la necesidá del pasu per Madrid de mercancíes y persones que nun tengan ellí orixe o destín. Esto amenorga’l riesgu de convertir esti nuedu central nun cuellu de botella, tal y como alvirtió bien de veces la UE”
Siendo mui conscientes de qu’una vía de comunicación transterritorial con entidá propia y de calida ye capaz de facilitar tamién la vertebración interna de cada país o territoriu, “Extremeñistas, Aina y Alantre apoyó les manifestaciones del día 21 de xineru en delles ciudaes convocaes por distintos colectivos a lo llargo de la “Ruta de la Plata”, y van siguir trabayando nos sos proyectos pa dar una alternativa política, social y económica a Asturies, el País Lleonés y Extremadura”
