Izquierda Asturiana pola descatalogación del llobu como especie protexida

El partíu integráu en Convocatoria por Asturies y Sumar ellabora el documentu "Por una Asturies con futuru y con llobos".

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

“El Ministeriu de Transición Ecolóxica y Retu Demográficu tien d’asumir la descatalogación del Llobu como especie protexida”. Esa ye una de les conclusiones del documentu “Por una Asturies con futuru y con llobos”. “Nun queremos una Asturies escaparate de fauna silvestre pal gocie ocasional de los güeyos urbanos nin tampoco una Asturies secuestrada por una aristocracia supuestamente autóctona, fondamente individualista y que solo ve l’interés económicu al curtiu plazu, creyéndose dueña de los espacios comunes” expón el partíu asturianista, integráu en Convocatoria por Asturies y Sumar.

“El llobu nun va ser especie protexida pero tampoco nun va ser especie cinexética. El control, el desenvolvimientu y el cuidáu van pasar a ser de dominiu públicu, nel marcu de l’Autonomía Asturiana” apunta IAS, que tamién propón un censu actualizáu que reflexe la realidá actual de les poblaciones de los llobos que viven en manaes y los que tán aisllaos, estremar les zones acutaes, llibres y mistes, partíes presupuestaries específiques y abondes pa les indemnizaciones.

“Asturies nun pue siguir tolerando l’apropiación perversa per parte de la estrema derecha de los lexítimos intereses de les comunidaes rurales, tantu por simplificaciones demagóxiques y manipulación como pol infantilismu de cierta esquierda que propón un discursu onde la defensa del mediu natural faise dende posiciones que más que calificar d’urbanites, podríen catalogase de estraterrestres, pola so incompatibilidá cola esistencia mesma d’un mediu rural asturianu vivu, con identidá y económicamente vidable” expliquen dende IAS.

“Una Asturies na que los espacios pa los llobos y pa les persones tean bien estremaos y controlaos, con un sector ganaderu que tenga futuru ye perfectamente posible” afirma la formación de Faustino Zapico

Actualidad