Tres del nacimientu como organización política en febreru del añu pasáu, Aína sigue “avanzando nel procesu de construcción d’un partíu asturianista d’izquierda, modernu, útil, atractivu y integrador”.
Esti sábadu 16 a les 9.30h, na Casa la Cultura de Llanera (Llugo), tola afiliación ta llamada a participar na III Asamblea Nacional pa decidir colectivamente la postura sobre les elecciones europees y aldericar alrodiu la organización interna y los próximos pasos a dar pa poder siguir medrando.
Nesta asamblea que lleva por nome “Y toes en movimientu” tamién va presentase al Secretariáu d’Aína, órganu de dirección que va tar formáu por dos portavoces y dos coordinadores col enfotu de reforzar la imaxe pública del partíu y de consolidar el so funcionamientu internu.
