Esti domingo, 17 de marzu, Asturies con bici entama una ruta cicloturista pela sablera de Xagó a la que cualesquiera puede apuntase dende la so páxina web. El circuito, d’un llargor aprosimáu de 35 kilómetros, va llevar a los participantes tol día dende’l puntu de partida, a les once de la mañana y asitiáu nel apeaderu de la FEVE en Candás.
La ruta ye llineal, per carreteres secundaries cola sola esceición de la entrada a Avilés, que va facese pela AS-329, y apta pa cualesquier modelu de bicicleta, con perfil llanu y dificultá cenciella (nun pasa pel Cabu Peñes).
