‘L’homme de choc’, novela de Joseph Peyre espublizada per primer vez en Francia en 1936 y que xira al rodiu de la revolución d’ochobre, va ser traducida al asturianu nes selmanes vinientes na colección Calume, d’Ediciones Trabe.
La obra, que ya cuntó en so día con dos traducciones al inglés (Rehersal in Oviedo’, en 1937, por Knight Publishers, y Prelude in Oviedo, en 1938), nunca fora traducida al castellán, convirtiéndose la de Calume na tercer edición n’otru idioma distinta al orixinal.
Calume amosa asina una ya dilatada trayeutoria nel ámbito de la traducción, siendo ‘L’homme de choc’ el so título oncenu. Nesta ocasión, repite como traductor (per primer vez na colección) Javier Martínez Concheso, quien ganó’l premiu ‘Florina Alías’ de traducción del Principáu d’Asturies col so trabayu en ‘Cándidu o l’optimismu’, de Voltaire. La obra, como toles de Calume, va tar bien llueu nes llibreríes d’asturianes, asina como tamién na propia de Trabe (cai Fernando Alonso Díaz, 17, n’Uviéu) y na web de la editorial.
