Muerre Rosa Cunqueira, defensora de la cultura y les tradiciones asturianes

La ibiense, ‘Muyer rural d’Asturies’ en 2022, permanecía dende diba mediu añu nel hospital de Padua tres del accidente d’autobús de Mestre (Venecia).

Recomendados

Arantza Margolles
Arantza Margolles
Es historiadora.

Rosa Rodríguez, más conocida como ‘la cunqueira de Trabáu’ ya impulsora de la cultura asturiana, morrió ayer, víctima de les lesiones sufríes nel accidente d’autobús del pasáu mes d’ochobre en la llocalidá de Mestre, en Venecia, nel que perdieron la vida veintiún persones más.

Rodríguez, de 53 años, taba ingresada dende diba seis meses nel hospital de Padua poles graves quemadures y traumatismos sufríos nel siniestru, nel que tamién resultara firíu el so hermanu Miguel Ángel.

El presidente del Principáu, Adrián Barbón, tresmitió, al traviés de les sos redes sociales, el so pésame a los familiares de Rosa ‘Cunqueira’, quien fora distinguía como ‘Muyer Rural’ nel año 2022 pola so defenda de la cultura, la llingua y les tradiciones y hestoria de los cunqueiros, artesanos torneros de la madera. Poro, Barbón aseguró que “la Asturies que reivindica les sos tradiciones y les quiere y les protexe ta güei de lutu”.

Por espresu deseu de Rosa Rodríguez, diz el comunicáu emitíu ayeri, nun va facese ninguna ceremonia fuera de la intimidá de la familia, quien pidió respetu a la intimidá y al duelu pol que pasen nestos delicáos momentos.

Actualidad