Empresarios pola oficialidá: “Va trayer ventaxes pa la xeneración d’economía llocal”

El documentu ya tien 100 firmantes y sigue abiertu a nueves adhesiones.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

“Un grupu de profesionales y empresarios y empresaries de diverses tendencies polítiques que trabayamos n’Asturies queremos posicionanos énte l’actual procesu abiertu pa reformar l’Estatutu d’Autonomía col envís de declarar la oficialidá de les llingües d’Asturies” señalen los promotores de la iniciativa en un manifiestu abiertu a la recoyida de firmes.

“Como persones que desendolcamos la nuesa actividá económica nesta tierra paeznos que ye clave que superemos esta falta de protección del patrimoniu llingüísticu d’Asturies y de los derechos de les persones que quieren facer usu de les llingües d’Asturies nel so día a día, como ciudadanos o como empreses” apunten nun documentu que ya tien 100 firmantes.

El manifiestu reclama un pactu ente los principales partíos, PP y PSOE, y llanza un mensaxe en positivu: “vamos ser una comunidá con mayor autoestima y querencia polo propio, coles ventayes qu’ello va trayer pa la xeneración d’economía llocal y puesta en valir de la marca Asturies”.

Actualidad