“Agora Repúbliques ye la única manera real que tenemos de defender Asturies n’Europa”

Andecha Astur sofita la candidatura impulsada por Bildu, BNG, ERC y otres fuerces soberanistas.

Recomendados

Redacción Nortes
Redacción Norteshttps://www.nortes.me
Te contamos lo ocurrido centradas en la periferia.

Agora Repúbliques presentó el xueves la so candidatura en Xixón nuna duple intervención de Llucía Fernández, d’Andecha Astur, y Jon Iñarritu, diputáu de Bildu. Nel actu espusiéronse les llinies xenerales d’actuación d’esta coallición de la que forma parte Andecha Astur xuntu con otres organizaciones soberanistes del estáu como BNG y ERC.

Llucía Fernández fexo un llamáu a la movilización de los asturianos soberanistes, “los que prioricen a Asturies perriba de los intereses centraliegos”, que según les encuestes, puntualizó, “son munchos m´s de lo que dexen albidrar los resultaos elleutorales”, p’asegurar qu’Asturies tenga voz n’Europa “Nesti momentu, Agora Repúbliques ye la única manera real que tenemos  de defender Asturies n’Europa. Agora Repúbliques representa a los pueblos que refuguen el centralismu que los pon per detrás de los intereses d’una España que los ignora nel meyor de los casos, cuando non los maltrata”, declaró, remembrando que gracies a esta coalición Andecha Astur llevó ya al Parllamentu Européu temes tan importantes comu los fraudes d’El Musel y de los fondos mineros, el asturianu, la desindustrialización d’Asturies o l’escesu de contaminación ambiental, asina comu dellos conflictos llaborales, comu los d’Arcelor y EBHI.

Na so intervención  Jon Iñarritu recalcó la importancia de votar esti domingu y la influencia de les decisiones que se tomen n’Europa sobre la vida de toos:“Más del 60% de la llexisllación que s’aplica a los estaos miembros de la Xunión Europea tien comu orixen la Xunión Europea. Votar importa”, Nesi sen Llucía Fernández, d’Andecha Astur, recalcó que “el llugar que, como asturianos, nun ocupemos, van ocupalo partios españoles pa los que nun emportamos. Asina qu’agora toca movilizar a la Asturies soberanista. Porque si nosotres nun votamos, podeis tar ciertos que los partios españoles, la drecha española, sobre tou, si va dir a votar. Y van facenos la vida imposible”.

Otru tema qu’ocupó bona parte del alderique foi la situación internacional, lo qu’Iñarritu definió como “nivel de peligrosidá mundial”, aludiendo a la cantidá y a la gravedá de los conflictos activos nesti momentu y reclamando una actuación de la Xunión Europea acorde colos principios de paz. “Cuantu más representaos temos les formaciones d’izquierdes y pro drechos humanos , pro paz, más capacidá tendremos de frenar  el el belicismu, el gastu militar y l’austericidiu” recalcó el diputáu d’ehBildu.

Actualidad