Xicu Mata, de Nordés Móvil, foi escoyíu presidente de l’asociación Empreses y Profesionales Pol Asturianu (EPA).
La primera xunta directiva d’EPA va tar lliderada por Xicu Mata como presidente y Susana Rubio como vicepresidenta y vocalía de comerciu. A Alejandra Isabel García escoyéronla secretaria y vocal de Xurídicu-Llegal, y Félix Fernández va ser el tesoreru.
Como vocales foron escoyíos Inaciu Iglesias, de Rellaciones Institucionales; Inaciu Galán, de Comunicación, Sergio Buelga, de Dinamización Cultural; Olaya Fuente, d’Eventos, Llucía Fernández, de Cultura Sidrera; Xurde Llano, de Deporte; y Susana Sela de Formación y Traducciones llingüístiques.
Según indicaron al traviés d’una nota de prensa, Empreses y Profesionales pol Asturianu (EPA) tien l’oxetivu de trabayar na visibilización de les llingues propies d’Asturies na actividá d’empreses, profesionales y mutualistes.
Amás de mostrar el valor económicu del asturianu y rellacionase cola alministración, la entidá va crear sinerxies ente les empreses qu’utilicen esti idioma. Amás, va facilitar l’usu internu nes empreses, buscando l’adaptación de programes informáticos o modelos de formularios.
Ente los proyectos futuros, según indiquen, tá la programación de charres, mesas redondes y seminarios, amás de la organización de feries, certámenes y premios.
