“Un llibru onde la música calla, un llibru de cantares onde’l ritmu que resuena ye’l de la palabra escrita”. Asina describe Alfredo González Lo que había guardado, un recopilatoriu de les lletres de tolos sos trabayos discográficos, qu’agora ve la lluz baxo’l sellu d’ediciones Trabe y que va presentase esti sábado, 16 de payares de 2024, a les 19 hores na llibrería café La Llocura, en Mieres del Camín.
Nesta cita, l’autor va tar acompañáu pol tamién músicu Juan Ponte, qu’anguaño desempeña funciones como director de l’Axenda 2030 del Principáu d’Asturies, y por Marco Castañón, músicu y técnicu de soníu nel Ayuntamientu de Mieres. La obra, que puede mercase a un preciu de 20 euros, presenta les lletres d’Alfredo González acompañáes de notes introductories del turonés, y supón el broche d’oru a la so despidía de los escenarios tres de venti años de trayectoria.
