L’asociación cultural Mazcaritos d’Uviéu investiga, recupera y recrea una tradición, escaecida 80 años atrás, que dende va 8 años vien celebrando na ciudá nos sos díes tradicionales. Les mazcaraes d’antroxu son manifestaciones festives populares n’ámbitos rurales o urbanos, siendo la d’Uviéu una de les mazcaraes urbanes más reconocíes n’España y Portugal.
Cuando la capital d’Asturies presenta candidatura a Ciudá Europea de la Cultura, la Conseyería de Cultura anicia un procesu pa declarar Bien Cultural Inmaterial del Principáu d’Asturies esta mazcarada, ente les mazcaraes asturianes de los ciclos del Aguilandu y l’Antroxu.
Mazcaritos d’Uviéu convoca a la ciudadanía a ver, acompañar y participar na comparsa que va percorrer, cantando coples y pidiendo l’aguinaldu pel Uviéu antiguo, los díes 27 de febreru y 1, 2, 3, 4 y 22 de marzu de 2025, con estos itinerarios y horarios:
27 de febreru, XUEVES DE COMADRES, de 20 a 23h. Les Muyeres mazcarites salen de pandorgada, manteando’l Pelele y cantando coples. Itinerariu: Nueve de Mayu, Caveda, Santa Clara, La Luna, Porlier, Plaza de la Catedral, Águila y Gascona.
1 de marzu, SÁBADU FRIXUELERU, de 18 a 23h. Plante la Vieya na Plaza’l Paragües. Comparsa de Mazcaritos con música y danza. Itinerariu: Nueve de Mayu, Caveda, La Luna, Porlier, Plaza de la Catedral, Sta. Ana, Mon, Plaza Paragües (Plantar la Vieya), Mon, Plaza del Sol, Plaza Ayuntamientu, Cimadevilla, Rúa, San Juan, Schulz, Águila y Gascona.
2 de marzu. DOMINGU GORDU, de 11:30 a 15 h. Comparsa de Mazcaritos y Moxiganga Movilidá in-sostenible 12h na cai Pelayo. Itinerariu: Nueve de mayu, San Bernabé, Palacio Valdés, Pasaje y Pelayo (Moxiganga), Plaza Escandalera, San Francisco, Porlier, Plaza de la Catedral, Rúa, Cimadevilla, Plaza Ayuntamiento, Magdalena, Juan Botas, Plaza del Fontán, Fierro, Peso, Plaza de Riego, Ramón y Cajal y Mendizábal.
3 de marzu, LLUNES D’ANTROXU, de 17 a 20h. Aguinaldu de Mazcaritinos. Antroxu infantil. Itinerariu: Plaza del Paragües, Plaza del Ayuntamiento, Plaza del Fontán y aledaños del barriu Antiguo.
4 de marzu, MARTES D’ANTROXU, de 19:30 a 23h. Entierru la Sardina. Comparsa de Mazcaritos. Itinerariu: Nueve de Mayu, San Bernabé, Palacio Valdés, Pelayo, Plaza Escandalera, San Francisco, Plaza Riego, Peso, Plaza Ayuntamiento, Cimadevilla, Rúa, Plaza Catedral, Águila, Gascona, Federico García Lorca, Martínez Vigil, Plaza Mirador Cruz Roja y Victor Chávarri.
22 de marzo, LA VIEYA DEL CARBAYÓN (Partir la Cuaresma y piñata nel Carbayón), de 18 a 20h. Itinerariu: Campo San Francisco, Plaza de la Escandalera, Uría (placa conmemorativa del Carbayón), Plaza del Carbayón (baxo l’árbol), Argüelles, Jovellanos Mendizábal, Porlier, Plaza de la Catedral y Águila.
