Esti 8 de setiembre, Aína “quier compartir con militantes, inscrites y tola sociedá asturiana delles actividaes que xunten reivindicación y ociu pa siguir faciendo camín xuntes”. El 7 de setiembre va facese una ascensión al Picu Trés Conceyos nuna xornada que siga valiendo “pa poner en valor el nuestru patrimoniu ambiental, cercanu, enllenu de posibilidaes, y fráxil, al empar, como nos indica la situación sociopolítica asturiana y global”.
Pa rematar, el 8 de setiembre va facese una ruta pel monte Naranco d’Uviéu y xubir al Área Recreativa d’Ules con xuegos tradicionales, talleres de baille, xinta popular y el conciertu de “Soi Panderetera”. “Dende’l Naranco tamién vamos llamar a la reflexón sobre la situación anguaño n’Asturies ensin escaecer el xenocidiu que se ta comentiendo en Palestina a güeyos del mundu” señalen los asturianistas.
Pa participar de l’actividá y de cara a la organización, recomiéndase a les persones interesaes apuntase al traviés d’esti formulariu.
