La Taberna Narciso, conocíu espaciu cultural y gastronómicu de Teverga, vien de poner en marcha un canal de guasap col oxetivu de tener a la vecindá y a los visitantes al día de toles sos actividaes. Al traviés d’esta nueva vía de comunicación el públicu podrá siguir en tiempu real la so programación cultural —conciertos, presentaciones lliteraries, cine, charres—amás de les propuestes gastronómiques y eventos especiales que van surdiendo al llargo del añu.
Col estrenu d’esti canal, la Taberna Narciso afita’l so compromisu cola dinamización cultural del conceyu y facilita un accesu direutu y áxil a la información pa toles persones interesaes en siguir de cerca la so actividá.
