Organizada por Lluques Díaz, Iván Testón, Lluis Collado y El Pruvianu, influencer, historiador y guía de les rutes Ser Asturianu, la “Madreñada Uvieo” xuntó esti domingu nel cascu históricu de la capital asturiana a un bon grupu d’amantes d’esti calzáu tradicional.
L’alcuentru entamó a les 11 na Catedral, con una esplicación sobre la historia de la madreña n’Uviéu, y remató a les 13 con música y vermú na Plaza’l Paragües.
L’alcuentru ta inspiráu na madreñada que dende hai años s’organiza en Llión, y cuntó con una abondosa presencia de llioneses nesta primer edición carabayona.
Semeyes: Pablo Lorenzana
