Depués del reconocimientu (cola espicha correspondiente) que-y dieron los y les editores d’Asturies na IV Feria de la Edición Asturiana el pasáu 20 de marzu, l’equipu que ta al frente d’Ediciones Trabe fízo-y un homenaxe sorpresa’l xueves 26 de marzu na Llibrería Trabe, axuntando a familiares, amistaes, expropietarios y extrabayadores de la editorial, compañeres editores y llibreres, amás d’escritores de la casa. L’equipu al frente d’Ediciones Trabe regaló-y un llibru que compila los cuentos de la escritora cabraliega.
