“Les artes visuales son la espresión que conforma la imaxe d´una cultura. Les y los creadores espeyamos un mundu y facémoslo con imáxenes, pero tamién con pallabres”. Asina entama el escritu pola cooficialidá de la llingua asturiana y el eonaviego que acaben de firmar y facer públicu 71 artistes asturianos de diferentes xeneraciones y tendencies, pero xuntos n´una reivindicación p´acabar con “una carencia democrática de más de cuarenta años”. Ente los firmantes tan Bernardo Sanjurjo, Fernando Alba, Miguel Galano, María Jesús Rodríguez, Consuelo Vallina, Maite Centol, Benjamín Menéndez, Cuco Suárez, Adolfo Manzano, Ánxel Nava, Pablo Maojo o Hugo O´Donnell.
El escritu nun aforra crítiques “al enfrentamientu partidista” poles llingües d´Asturies: “Ven la llingua como conflictu políticu y non como valor cultural”. “Situaciones surreales- continúa-que son dafechu un complexu d´inferioridá”.
Los firmantes ven nel so trabayu una “visión local” que “fai una mirada universal” y recuerdan que, pesie al sofitu de la UNESCO o a la Llei d´Usu y promoción de 1998 les llingües asturianes siguen en retrocesu y “somos munches y munchos los que vemos con tristura cómo esi patrimoniu va perdiéndose ente la mocedá”. Nun entienden que se torgue un drechu constitucional y una discriminación llingüística, polo que piden consensu políticu pa “una xera pa la que la sociedá asturiana ya ta madura”. Fain suyo lo que dixo al entamar la Transición Adolfo Suárez: “Facer normal lo que na cai ye normal”.
El textu fina sofitando pal asturianu y el eonaviego, “tan vieyas como l´arte asturianu”, la reforma del Estatutu d´autonomía que las ponga en igualdá de condiciones col castellano.
Esa propuesta de reforma pa algamar la cooficialidá ya ta debatiéndose na Xunta Xeneral y va a votase el mes de marzu. Tendrá mayoría de votos a favor, los del PSOE, IU y la diputada Covadonga Tomé, pero nun prosperará porque fai falta el sofitu de 3/5 del Parlamentu autonómicu. Los votos contrarios de PP y Vox ya basten pa refugar la propuesta. Nel anterior mandatu parlamentariu la cooficialidá nun salió adelantre al faltar el votu del únicu diputáu de Foro Asturias.
Firmantes:
Fernando Alba
Ricardo Alonso
Alba María Álvarez
Rut Álvarez Valledor
Nuria Antolín
Pablo Armesto
Ernesto Avelino
Luis Ignacio Bachiller (Nayde)
Noé Baranda
Inés Benito Riesgo
María Braña
Cristina Busto
Lucía Castro Narciandi
Maite Centol
Charo Cimas
Mónica Cofiño
Ángel Cotallo
Kela Coto
Olmo Cuña
Emil (E100)
Inés Fernández Fdez
José Ramón Fernández (Monchu el Cura)
Laura Fjäder
Elise Florentino
Jorge Flórez
Mónica Fuster
Miguel Galano
Justo García Fernández
Sara García Fernández
Nieves González
María González (Myrem)
Beatriz Gutiérrez
Pablo Iglesias
Mónica de Juan
Ernesto Junco
Laura Lara (Bitxo)
Nerea Lorences
Adolfo Manzano
Rosa Manzano
Pablo Maojo
Inés Marful
David Martín Suárez
David Martínez
Mario Mercurio Martínez
Benjamín Menéndez
Gonzalo Mon Valdés
Paco Nadie
Ánxel Nava
Hugo O’Donnell
Adelaida Óvana
Ástur Paredes
Natalia Pastor
Israel de la Peña
David Pérez Busto
Gemma Ramos
Omar Ramos
César Ripoll
María Jesús Rodríguez
Andrea Rubio
Violeta Sánchez
Marga Sancho
Bernardo Sanjurjo
Cuco Suárez
Irene Trapote
Aida Valdés
Consuelo Vallina
Pelayo Varela
Toño Velasco
Teresa Villamea
Ricardo Villoria
