Grana ta acabante convocar esta segunda edición del Premiu Yolanda Huergo que quier reconocer obres inédites de cualesquier ámbitu del conocimientu y llínea d’estudiu escrites o traducíes al asturianu.
La dotación del premiu ye de 1.500 euros y Grana afalará la publicación del trabayu premiáu. Les obres, con un mínimu de 80 fueyes, tienen que unviase enantes del 1 de xunetu de 2025 a la dirección email [email protected]. Les bases competes pueden consultase na web de l’asociación.
N’anterior edición resultó premiada la obra “Los cuartos propios de la lliteratura asturiana: una conversación colectiva”, trabayu presentáu por Inaciu Galán nel que s’afonda sobre la lliteratura n’asturianu fecha por muyeres y que sedrá asoleyáu nos próximos meses.
