La Asociación Cultural La Benéfica de Piloña da un pasu más nel so camín cultural cola puesta en marcha de La Maléfica, un chigre cultural que yá ta funcionando nun local de la cai El Quesu, nel cascu históricu de L’Infiestu.
Esti nuevu espaciu súmase al entramáu cultural de La Benéfica como un proyectu venceyáu que contribúi a la so viabilidá económica, esparde la so programación cultural y afita entá más el so compromisu como motor activu de la vida social y cultural de Piloña.
La gaita, l´acordeón y la toná d’Alicia Villanueva sirvieron esti vienres pa dar entamu a les actividaes culturales del chigre.
Semeyes: David Aguilar Sánchez
