El vienres día 15 de payares, a les 20h de la tarde, va celebrase un actu conmemorativu del 50 aniversariu de «Conceyu Bable Xixón».
L’actu va tener llugar nos locales de la Fundación Almastur, nestes señes: Fundación Almastur (Llagar de Garbelles), Caleyón de la Portiellona, Garbelles de Baxo, 33391 Caldones (Xixón).
Nel actu habrá intervenciones diverses, un homenaxe a los miembros de Conceyu Bable Xixón fallecíos, interpretación de dellos cantares per parte del músicu Carlos Rubiera y una espicha.
Conceyu Bable, fundáu en payares de 1974, foi l’asociación pionera na reivindicación de la llingua asturiana y del asturianismu modernu, que dio pie al nacimientu del actual movimientu de reivindicación de la cultura y la llingua d’Asturies. El grupu de Conceyu Bable de Xixón tuvo activu dende 1974 a 1984, promoviendo toa mena d’actividaes culturales alredor de la llingua asturiana.
