La moto de Donnie Darko

Recomendados

Iván G. Fernández
Iván G. Fernández
Iván G. Fernández (Uviéu, 1978), es fotógrafo y periodista de "caleya". Ha trabajado y colaborado en numerosos medios de comunicación asturianos y del resto del Estado desde finales de la década de los 90.

Testu: Xandru Fernández

Esterior día. La portalada del cementeriu municipal paez l’antepar de la mansión d’un pirata retiráu. La calavera nel cumal del postigu nun tiende sombra nenguna pero replica la so silueta en caduna de les fueyes de fierro verde que, pesllaes, pinten más siniestres que si tuvieren abiertes. Una puerta abierta convida a entrar, una puerta pesllada convida a picar. ¿Quién va abrir si piques a esta puerta, caminante? ¿Qué rider va sirvir un pidíu con estes señes? El gatu negru que mura mirando pa la moto, la pelagra que tapiza la corteya de los árboles. Les estrañes siluetes semaes ente les calaveres de forxa qu’asemeyen ¿coneyos? En Donnie Darko, unos númberos estraños anunciaben los díes, hores y minutos que quedaben pa la fin del mundu. Como los que figuren retulaos na moto de Pizza Hut, pero a saber en qué clave tán consignaos estos. Supongo que ye muncho pidir que, si tienes el pronósticu ganador, inapelable, t’abstengas del mal gustu d’encargar una pizza y facer que te la sirvan a una hora tan poco apropiada pa sitiu tan galante como esti. Si yá punxisti’l disfraz de coneyu y sabes ónde va cayer el númberu premiáu na bonoloto universal, lo mesmo te da quedar a un llau o al otru d’esa puerta.

- Publicidad -spot_img

Actualidad

Dejar respuesta

Please enter your comment!
Please enter your name here