Conecta con nosotras

Actualidad

TPA estrena’l 8 d’ochobre la serie documental “D’ayeri a güei”

Los sos cincos capítulos percuerren la historia de la música asturiana de los últimos cien años.

La cantante de tonada Mari Luz Cristobal Caunedo, nun de los capítulos de la serie. Foto: Goxe Producciones

El próximu xueves 8 d’ochobre (23:00 hores) Televisión del Principáu d’Asturies (TPA) va facer la estrena de la serie documental D’ayeri a güei, que tien como protagonista a la música asturiana de los últimos cien años. Al traviés de cinco capítulos, con una duración aproximada d’una hora caún d’ellos, va facese un percorríu pela historia de la escena sonora del país.

        D’ayeri a güei abarca dende finales del sieglu XIX hasta l’actualidá y quier ser un resume de la música d’espresión asturiana contemporánea. Nella trátense los fechos más destacaos, los movimientos y tendencies más importantes y los/es intérpretes y grupos que más incidencia tuvieron. Tien un enclín pedagóxico-divulgativu -ensin escaecer l’entretenimientu- pero siempre sobre la base de la rigurosidá. Col filu conductor de la voz n’off, que va contestualizando les palabres de los intervinientes, cuéntase la historia de la música asturiana dende los primeros rexistros sonoros en cilindros de cera hasta los nuestros díes, col enfotu de dar a conocer un patrimoniu perimportante de tolos asturianos y asturianes. Nes cinco entregues van tratase temes como’l nacionalismu musical asturianu, les primeres grabaciones, la edá d’oru de l’asturianada, la música coral, les bandines tradicionales, los concursos de tonada, el folk testimoniu, el Nuevu Canciu Astur, la música celta, el boom de la gaita, el rock n’asturianu o les últimes tendencies, ente otros munchos; amás de conocer la vida y obra d’intérpretes históricos como El Gaiteru Lliberdón, Los Cuatro Ases, Remis Ovalle, Diamantina Rodríguez o La Pastorina. Too ello al traviés de les palabres de más d’una trentena d’intervinientes ente musicólogos, escritores, periodistes, historiadores, antropólogos, etnógrafos, cantantes y músicos, que van ufiertar una visión global sobre’l fechu musical asturianu de manera cronolóxica.

        La estrena produzse depués de cerca de dos años de trabayu por parte de Goxe Producciones, que contó con un equipu formáu por ocho persones, con Xune Elipe (director, guionista y documentalista), Javier Lueje (realización y montaxe) y Damián Barreiro (redacción), como cabeces visibles. Tanto la producción como’l tratamientu gráficu y estéticu llevó un esfuerciu que tuvo’l so reflexu nel productu final, suponiendo una novedá na parrilla de la cadena.

        D’ayeri a güei quier ser una serie na que los asturianos y asturianes s’autorreconozan y valga d’introducción a una de les nuestres señes identitaries más importantes.

Redacción Nortes
Escrito por

Te contamos lo ocurrido centradas en la periferia.

Haz click para comentar

Responder

Tu dirección de correo electrónico no será publicada. Los campos obligatorios están marcados con *

Advertisement

Lo más leído

Adrián Barbón o la política del trending topic

Opinión

El billete de ALSA nos sale caro

Actualidad

¿Cómo salvamos la noche sin cargarnos la salud?

Reportajes

“La huella industrial de Gijón se ha desdibujado”

Cultura

Asociación Cultural Nortes de Asturias © 2020 · Centradas en la periferia

Nortes en redes