Podemos pide una renta pa quien reduza xornada por cuidar menores y dependientes

Recomendados

David Artime
David Artime
Periodista y escritor. En 2009, ganó el premio de narrativa en lengua asturiana de la editorial Trabe con la novela "La Bufanda", en la que aborda el mundo de los ultras de fútbol.


Podemos Asturies solicitó al Gobiernu asturianu la creación d’una “renta pa la corresponsabilidá”, ye dicir una ayuda pa trabayadores qu’amenorgaren la so xornada polo menos un 30%, o nel so casu, solicitaren una escedencia, pa cuidar de terceres persones dependientes.

Nuna rueda de prensa, les responsables de Feminismos y d’Educación de Podemos, Jara Cosculluela y Ángeles Fal, y la vocera del Conseyu Ciudadanu, Covadonga Tomé, demandaron qu’esta ayuda s’estableza en función de la renta, y que “tenga especial atención a families monomarentales o que tengan al so cargu persones con dependencia severa o discapacidá”.

SERVICIU PROFESIONAL DE CUIDAOS

Les representantes de la formación tamién proponen “entamar un serviciu de profesionales pal cuidáu de menores, mayores y dependientes”. Trataríase de “una bolsa de profesionales del cuidáu o una prestación económica en sustitución para families que nun puen acoyese al teletrabayu o que nun pueden permitise la contratación de servicios profesionales”.

Amás, demándase “l’aumentu claru de los recursos y el financiación público pa les escueles de 0 a 3, los servicios públicos d’atención domiciliaria, la teleasistencia y los cuidaos en residencies de mayores. Esto ye, financiación, recursos y reconocencia pa una parte de la nuesa primer llinia de contención que más lo precisa”.

Propón usar la partida del salariu social, lliberada pola aprobación de la renta básica

Nesti sen, la formación recuerda que yá presentó “apocayá la fórmula que permitiría qu’estos servicios fundamentales se reforzaren y reconocieren”: per un llau, al traviés de la destinación de 17 millones p’aumentar el presupuestu de dependencia n’Asturies (y asina amenorgar la llista d’espera al 50%); per otru, al traviés de la destinación d’algo más de 4 millones d’euros añales a les escueles de 0 a 3 y asina garantizar la so gratuidá.

Según los cálculos de la formación, estes cantidaes tendríen d’estrayese del escedente que se llibere na partida de Salariu Social Básicu, una vegada qu’entre’l presupuestu destináu a al Ingresu Mínimu Vital. Tal escedente, según Podemos, “tien de destinase a la protección de los colectivos más vulnerables y a ampliar la cobertoria de servicios públicos fundamentales”.

- Publicidad -spot_img

Actualidad

Dejar respuesta

Please enter your comment!
Please enter your name here