El Movimientu de Solidaridá Col Sáhara convocó dos concentraciones esti martes n’Asturies p’apoyar “un Sáhara LLibre”, ante la escalada de tensiones que ta produciéndose nesti momentu ente’l Frente Polisariu y el Gobiernu marroquín.
La cita ye a les 16.00 hores na Plaza de la Escandalera n’Uviéu y na Plaza Mayor de Xixón. Los convocantes recuerden a los asistentes l’usu obligatoriu de la mazcarina y el caltenimientu de la distancia de seguridá.
