La 58 edición del Festival Internacional de Cine de Xixón tendrá llugar na rede. Por mor de la situación pandémica, les proyecciones fairánse en llinia entre’l 20 y el 28 de payares. Dos plataformes tresmitirán los conteníos, Filmin, pa la Estaya Oficial, y Festhome, pa les demás estayes, incluyida Enfants Terribles. L’eventu ofrez un bonu conxuntu pa dambes, a un preciu de 30 euros.
La dirección del festival recuerda qu’esta cantidá ye un 40 por cientu menor que’l coste avezáu del abonu completu pal festival presencial. Amás, frente a los 42 llargometraxes que podíen vese en pasaes ediciones, nesti casu los espectadores tendrán a la so disposoción 62 títulos.
BONOS PA LES PLATAFORMES
Pela so parte, ofrezse un bonu particular pa cada plataforma collaboradora a un preciu de 15 euros. Nel casu de Filmin incluyiría, amás de les películes de la Estaya Oficial, dos meses de soscripción.
Los asistentes que prentendan ver títulos sueltos tendrán que pagar un preciu de 3,95 euros. Pa los cortometraxes sueltos establezse un coste de 0,95.
