Andecha pide a Fiscalía qu’investigue la muerte de los operarios na avalancha del Puirtu Braña

Recomendados

David Artime
David Artime
Periodista y escritor. En 2009, ganó el premio de narrativa en lengua asturiana de la editorial Trabe con la novela "La Bufanda", en la que aborda el mundo de los ultras de fútbol.

La organización Andecha Astur presentó una denuncia na Fiscalía pa pidir que s’investigue la muerte de dos trabayadores d’una máquina quitanieves que resultó enterrada nun ábanu, mientres llimpiaben la carretera del Puirtu Braña (Puertu de San Isidro na zona llionesa) AS-253 el pasáu 1 de xineru. La organización asegura nun detalláu informe que’l Gobiernu asturianu yera consciente de la peligrosidá d’esta vía autonómica, escenariu avezáu d’avalanches de nieve, y nun se tomaren les midíes apropiaes.

L’informe d’Andecha Astur básase en dellos estudios previos de los qu’asegura tenía conocencia’l Gobiernu autonómicu. Nellos esplíquense les condiciones necesaries que la zona cumple pa que se dean estos episodios. También señala los testimonios de los vecinos de la zona qu’aseguren que los ábanos son frecuentes dende va munchos años. Asina, asegura que los habitantes d’Ayer y los usuarios de les estaciones d’esquí “xueguen a la ruleta rusa” cada vez que circulen pela AS-253 n’iviernu.

“Desiximos a la Fiscalía l’abertura d’una investigación seria que, de comprebar los fechos denunciaos, permita castigar exemplarmente a los responsables d’estes muertes, asina como indemnizar como ye mester a les families de los dos fallecíos”, concluyó la nota d’Andecha Astur.

- Publicidad -spot_img

Actualidad

Dejar respuesta

Please enter your comment!
Please enter your name here