El Comité d’Asturies Pola Amnistía convocó una concentración en solidaridá col raperu Pablo Hasel, y contra’l so encarcelamientu, que nun habiendo cambios d’última hora, tendrá llugar el próximu 7 de febreru. L’actu tendrá llugar esti sábadu, 6 de febreru, a partir de les 19.00 hores nos xardinos del Náuticu de Xixón.
Pablo Hasel resultó condenáu por delitos d’inxuries a la corona y a les fuerces de seguridá, y allabances al terrrorismu, que l’Audiencia Nacional consideró que se cometíen en 61 mensaxes de Twitter y el so cantar Juan Carlos el Bobón.
La condena a cumplir será de nueve meses. L’Audiencia Nacional dio-y de plazu hasta’l domingu pa entrar en prisión voluntariamente, pero nuna rueda de prensa Pau Rivadulla (nome real d’esti vocalista) yá anunció que nun tien intención de facelo, y que van tener que “venir y llevame secuestráu”. Tamién acusó a PSOE y a Xuníes Podemos de ser cómplices col so encarcelamientu por nun facer nada por evitalo.
